Quanno se dìce: Mamma
se regne tutta 'a vòcca
e ppò te resta 'o ddòce
ca nun se leva cchiù.
E' 'na parola unica
nun ce 'ne stanno simili
è 'na cosa fantastica
te fà sentì 'e vulà!
E' 'na ricchezza
comme 'nu tesoro
e ttène cchiù valore
'e 'nu furzìere.
Affronta 'a vita
senza avè a ppaura
è 'a Mamma:
'a prìmma forza d'a natura.
Mamma! Sì sìente frìddo
te dà tutto 'o calore
e quanno pò staje triste
tì scarfa 'nfùnno 'o core.
Si stàje dint''o diffìcile
sùlo pe 'mmiezz''a via
'sta 'na parola maggica
ca dice: Mamma mia!
Se dìce a tutto 'o munno
nun te può mmàje 'mbruglià
sì vaje dint' 'a ll' inferno
tu 'a sìente pure llà.
E ssì 'nu bruttu suònno
nun t''a fà cchiù vvedè
sì allùcca e dìce: Mamma!
Stà ggià vicìno a tte!
Mimmo Coppola
Commenti
Posta un commento
Grazie per il tuo commento torna a trovarci su Alessandria post